URamaphosa Usamile Ekutheni Akaphulanga Mthetho

By: Pamella Majola

IHhovisi likamengameli lithi uMengameli Cyril Ramaphosa usamile kwelokuthi akazange asephule isifungo futh liyaphika ukuthi unecala kuzona zonke izinsolo abekwa zona ngodaba lwasePhala Phala.

USomlomo wePhalamende uNosiviwe Mapisa-Nqakula welule umnqamulajuqu waba yisonto elizayo ngoLwesithathu lapho ithimba elizimele lochwepheshe eliphenya ngokweba epulazini likaMengameli eLimpopo, iPhala Phala, kumele lethule umbiko walo.

Okhulumela umengameli, uVincent Magwenya,  uthi uRamaphosa uyawuhlonipha umthethosisekelo kanye nomthetho.