URamaphosa Usencome Amakhosi

By: Sthulile Mdletshe

UMengameli wezwe uCyril Ramaphosa usebonge abaholi bomdabu kanye namakhosi ngokusebenzisana nohulumeni ngaphansi kwezikhathi ezinzima, izwe lihlaselwe iCOVID-19.

uRamaphosa usho kanje ngenkathi evula ngokusemthethweni indlu yabaholi bendabuko ephalamende.

uMengameli usebonge labaholi ngokumisa ukusebenza kwabo ngenhloso yokunciphisa ukubhebhetheka kwaleligciwane kanye nokuqinisekisa ukuthi imphakathi iyazithola izinsiza ezifanele.

Uqhuba ngokuthi lelizwe selisesIgabeni sokuthi lizame ukwakha kabusha umnotho kanye namathuba emsebenzi, emva kokukhahlanyezwa yilolubhubhane.

powered by Advanced iFrame. Get the Pro version on CodeCanyon.

URamaphosa uthi isenkulu inkinga yokuntuleka kwemisebenzi kanye nokuhlukunyezwa kwabantu besifazane nabantwana kulelizwe.

Uthi abaholi bendabuko, njengabantu abasondelene nemphakathi, kumele basebenzisane nohulumeni ukwakha iNingizimu Afrika engcono.

uRamaphosa uthi labaholi banamathuba angcono kunohulumeni okufinyelela kubantu emphakathini, ngakho ukungenelela kwabo empini ebhekene nokuhlukunyezwa kwabantu besimame nezingane, kubalulekile

powered by Advanced iFrame. Get the Pro version on CodeCanyon.