Usashaqekile Umndeni Wongqongiswe Ngomlilo Washona

By: Nompendulo Ngubane

Umndeni womunye wabantu abangu-10 abashiswe bangqongqa endaweni yaseMsunduzi eduze naseSweetwaters ePietermaritzburg uthi ukushiswa kwelungu lawo lomndeni kuwushiye ukhungathekile.

Lesi sigameko senzeke ngeSonto nalapho kubikwa ukuthi kungene amadoda angaziwa afike akhomba bonke abantu abebegcwele endlini abaphoqa ukuthi bakhumule izimpahla ebakhombe ngezibhamu.

Emva kwalokho lamadoda abe esethela ngo-petrol bonke abantu abebekulendlu abashisa bangqongqa abanye bashonele endaweni yesigameko abanye esibhedlela.

Ngokuchaza komphakathi lendlu laba besilisa abebehleli kuyona bese iphenduke isidleke sezidakamizwa njengoba bekugcwala abantu ababhema isidakamizwa iwunga.

UThembelihle Dlamini oshonelwe ubaba wakhe naye oshisiwe kuyo lendlu uthi ukufa kukababa wakhe uThembinkosi Dlamini ngalendlela kuyinto eshaye kwazwela kulomndeni.

[VIDEO] Oyindodakazi yomunye wabalisa abangu-10 abangqongqiswe nendlu endaweni yaseMsunduzi eduze naseSweetwaters, ePietermaritzburg uthi usakhungathekile namanje ngemuva kokwenzeka kwalesgameko. pic.twitter.com/yxuAVEgCmS

— Gagasi FM News (@GagasiFMNews) May 16, 2023