Usathuthumela Namanje Umndeni Wosana Olusocongwe eMpangeni.

By: Sphelele Nzuza

Abazali baka-Enhle Ndimande, okutholakale isidumbu sakhe sesibolile Empangeni, eBomvini entshonalanga yesifundazwe, bathi bakhathazekile ngokusebenza kwengalo yomthetho nabathi ihudula izinyawo.

U-Enhle Ndimande, nobeneminyaka emithathu ubudala, watholakala emgodini wendle ezindlini zokuqashisa kulendawo emuva kokuduka amasonto amabili, ngo-March nonyaka, isidumbu sakhe sesiqala ukubola.

Lesi sigameko sishiye iningi lithuthumele njengoba kuthiwa bakhona ababezibiza ngabazali mbumbulu balomntwana ezinkundleni zokuxhuma bemukela neminikelo.

Uyise womntana uNjabulo Ndimande uthi akagculisekile ngokusebenza kwamaphoyisa Empangeni yize sebevezile ukuthi ukhona abamsolayo.