Usegwetshiwe Owasoconga Ingane Yakhe Ngenxa Yomshwalense

By: Zilungile Mkhize

Owesifazane osanda kulahlwa yicala lokubulala indodana yakhe ngoba efuna imali yomshuwalense ayevule ngegama layo, usegwetshwe iminyaka engu-20 ethothoza ejele.

U-Ziningi Nzama oneminyaka engu 49 ubudala, wakhalelwa ngamasongo kasigonyela ngoDecember mhlaka 11, kulandela uphenyo olunzulu lwamaphoyisa olwase ludonse izinyanga.

Amaphoyisa athola isidumbu sika Asanda Nzama, nowayeseneminyaka engu-20 edla enhlamvana ngo April wangonyaka odlule, sigqunywe endlini endaweni yaseSihlahleni eNchanga.

Isidumbu satholakala sinamanxeba okudutshulwa ekhanda nasemzimbeni.

U-Nzama walivuma icala lokuhlela ukubulala kanye nokusoconga indodana yakhe enkantolo ephakeme eMaritzburg.

Abanye abasolwa ababili basagqunywe ezitokisini eCamperdown.