Usetholakele Umfana Obethunjwe ENanda
Written by Mfundo on 23 May, 2022
By: Zilungile Mkhize
Uphiko lwamaphoyisa oluphenya amacala abucayi ama Hawks, selukwazi ukuhlenga umfana oneminyaka engu-13 ubudala, obethunjwe eNanda enyakatho yeTheku.
Lomfana uthunjwe ekuqaleni kwaleli sonto eya esikoleni.
Okhulumela ama Hawks KwaZulu-Natal, uSimphiwe Mhlongo, uthi abasolwa bebefuna isigidi samarandi kunina walomtwana.
Lomndeni ube usukhokhela abathumbi u-R90 000, kodwa lutho ukudedelwa kwendodana yawo.
U-Mhlongo uthi uphenyo lwama Hawks obeluqhunyewa ngokuhlanganyela namanye amaphoyisa luholele ekuboshweni kwabasolwa ababili, kutholakale nalomfanyana.
Continue reading
