Usinde Ngokulambisa Ufakazi Wakwikhomishana kaZondo

By: Zilungile Mkhize & Mfundo Mabaso

Usihlalo wekhomishana ephenya nge State Capture, uRaymond Zondo, uthi udumele futhi ushaqekile namanje ngemizamo yokubulawa kofakaza balekhomishana.

Lokhu kulandela isigameko sokuhlaselwa ngenhloso yokuzama ukubulala ufakazi ovele namuhla kulekhomishana, nosekuphoqeleke ukuba kugodlwe igama lakhe.

Lofakazi oseqanjwe elika Witness Number 3, njengamanje wethula ubufakazi bakhe endaweni eyimfihlo kulandela lesigameko.

uWitness Number 3 wayesebenza njengomshayeli nonogada kaMalusi Gigaba, esenguNgqongqoshe wezasekhaya, Kanti namuhla ubephekwa ngemibuzo ngobufakazi ake wabethula phambilini.

uZondo usenxuse abomthetho ukuba badlale indima yabo babambe labo asebezama ukusabisa noma babulale ofakazi.

powered by Advanced iFrame. Get the Pro version on CodeCanyon.

Khonamanjalo, uWitness 3 usethule ubufakazi, ethi njalo uGigaba mayeqeda kuvakashela umndeni wakwa-Gupta, wayebuya nemali egcwele isikhwama.

Ngonyaka odlule, lofakazi watshela ikhomishana ukuthi wahambisa uGigaba lapho kuhlala khona umndeni wakwa-Gupta, izikhathi ezingu 6 noma ezingu-7.

Mayebuzwa ukuthi wayazi ngani ukuthi lemali yayiqhamuka kumndeni wakwa-Gupta, uphendule ngokuthi wazihlanganisela kwezakhe.

powered by Advanced iFrame. Get the Pro version on CodeCanyon.