UThebolla Uthi Abakhethi Phela Emasini Ngesenzo Sokunqamula Izidingo

By: Nompendulo Ngubane

Oyimeya kamasipala uMsunduzi, uMzimkhulu Thebolla uthi isenzo sokucishwa kwagesi namamzi ezikoleni ezingakhokhile, nesenziwe umkhandlu akuhlobene neze ngokwenzelela ngokwebala.

UThebolla usho kanje emva kokuthi umasipala uqale uhlelo lapho unqamula ukulethwa kwengqalasizinda ekubalwa kuyo amanzi nogesi ezikoleni kanye nasezikhungweni zikahulumeni ezikweleta umasipala izigidi zamarandi.

Uthi emva kokuthi bevale ugesi ezikoleni zaseNorthdale okungezona ezabantu abamnyama sebethathwa njengo hulumeni okhetha iphela emasini.

UThebolla uthi lokhu akusilona iqiniso njengoba zikhona izikole zabafundi abamnyama nazo ezicishelwe ugesi namanzi ngenxa yezikweletu.

Njengamanje izikole zasePietermaritzburg zikweleta umasipala uMsunduzi imali kagesi namanzi engango R48 million.

powered by Advanced iFrame. Get the Pro version on CodeCanyon.