Ulengelwa Izembe u-Mkhwebane

By: Sthulile Mdletshe

Seziphinde zamukhalela futhi umvikeli womphakathi u-Busisiswe Mkhwebane njengoba u-Mengameli Cyril Ramaphosa esemnikeze izinsuku ezingu-10 zokuthi achaze ukuba kungani kumele angaxoshwa esikhundleni sakhe.

Kwenzeka lokhu nje, nasephalamende sekuqalile ukucubungula kohlelo lokuketulwa komvikeli womphakathi ngaphansi kwa Somlomo wePhalamende likazwelonke, uNosiviwe Mapisa-Nqakula.

U-Mkhwebane ubhekene nengcindezi yokungathenjwa kobuholi bakhe nendlela asebenza ngayo selokhu angena kulelihhovisi.

Ziningi izincomo ezaqhamuka ngesikhathi ephenya ngezinto ezahlukene ezithinta izikhulu kuhulumeni kubalwa nomengameli uRamaphosa, ezilokhu zichithwa njalo uma esezidlulisela ezinkantolo.

Okhulumela iHhovisi loMvikeli woMphakathi u-Oupa Sekgalwe uthi uMkhwebane uhlela ukuhlangana nethimba lakhe labameli okokuqala ukudinga lolu daba