UZikalala Uvakashele Ikhaya LakwaChikunga Eyobhonga Emswaneni

By: Saneliswe Dlangamandla

UNdunankulu wesifundazwe saKwaZulu-Natal uSihle Zikalala uthi bekubaluleke kakhulu ukuthi njengohulumeni wesifundazwe bahambele ikhaya lakwaChikunga kulandela umshophi olehlele.

Umndeni kasekela Ngqongqoshe wezokuthutha uSindisiwe Chikunga ulahlekelwe amalunga amane ngesikhathi ubandakanyeka engozini yemoto ngesonto eledlule.

UZikalala uthi ingqungquthela ye-African National Congress (ANC) ebibanjwe ngempelasonto  iyona ebeyimbangela yokuthi angakwazi ukuhambela umngcwabo wakwaChikunga.

Usencome uChikunga njengomlingani okwaziyo ukusebenzisana nabaye abantu kanye namagalelo akhe kuhulumeni.