Uzogugela ejele umzukulu owadlwengula ugogo wakhe.
Written by Phakeme Mnguni on 25 September, 2024
By: Phakeme Mnguni
Umlisa oneminyaka engu 28 ubudala usegwetshwe udilikajele ngecala lokudlwengula ugogo wakhe.
Imibiko ngalelicala iveza ukuthi isaguga esineminyaka engu 70 ubudala, besisekhaya laso e Blaaubosch Osizweni, enyakatho nesifundazwe nyakenye, ngesikhathi umzukulu waso emucela ukuthi amuvulele isango.
Iqhuba ngokuthi emva kokuthi emuvulele isango waya kolala egumbini lakhe, nokuyilapho umzukulu amulandela khona wafike wamubhudukeza wamudlwengula.
Lowesilisa usevele izikhathi eziningana enkantolo yesiFunda yaseMadadeni ngaphambi kokuthi alahlwe yicala wagwetshwa udilikajele.
Continue reading
