[WATCH] Sesinjani Isimo eMnambithi?

By: Bongani Gina

Izimvula ebezinamandla ezihambisana nezikhukhula sezishiywe kukhalwa edolobheni laseMnambithi njengoba osomabhizinisi abancane belahlekelwe yikho konke obekubaphilisa.

U-Bongani Gina ohambele eMnambithi ngaphansi komaspala I-Alfred Duma uyasibikela.

powered by Advanced iFrame. Get the Pro version on CodeCanyon.

IMeya kamasipala i-Alfred Duma, enyakatho esentshonalanga yesifundazwe uZama Sibisi ithi ukwakhiwa kwedolobha iLadysmith endaweni ephansi yikhona okuholela ekutheni uma kugcwala umfula iKlipriver, ungenise kulelidolobha.

Ekhuluma nezindaba ze-Gagasi FM uSibisi uthi lomfula uphakeme kanti idolobha lakhiwe ngezansi kwawo, nokwenza kube nzima ukugwemeka kwezikhukhula edolobheni.

Inqwaba yosomabhizinisi isale ikhala ezimathonsi kulandela ukulahlekelwa yiyo yonke impahla ngenxa yalezimvula.

U-Sibisi uthi akusilona iqiniso ukuthi lelidolobha alinazo izitamkoko ezakhelwe ukuhambisa amanzi.

Uqhuba ngokuthi onjiniyela sebefikile ukuzobheka ukuthi yini ekudingeka yenziwe ukugwema izikhukhula esezithanda ukuba yinsakavukela kulelidolobha.