Zithe Chithi-Saka Izikhungo Zokugoma Lapho Ekuvotelwa Khona
Written by Mfundo on 1 November, 2021
By: Zilungile Mkhize
Ikomidi elibhekelele ezempilo ePhalamende lithi kuyancomeka ukutshalwa komahamba nendlwana abangu-938 ababhekelele ukugomela iCOVID-19 ezikhungweni ezahlukene zokuvota ezweni.
Umnyango wezempilo umemezele ukuthi uzolusebenzisa nawo usuku lwanamuhla ukusondeza emphakathini izikhungo zokugoma, khona kuzoba lula ukunxenxa abantu ukuthi bagome ithuba likhona eduze kwabo.
Izikhungo eziningi zokugomela leligciwane yize zithe chithi saka ezweni, kodwa azikho ngaphakathi lapho abantu behlala khona.
Namhlanje zisondezwe lapho bezobe bebuthene khona beyovota.
Usihlalo wekomidi lezempilo uKenneth Jacobs unxusa zonke izakhamuzi ezingakagomi ukuthi zilisebenzise lelithuba, khona izwe lizokwazi ukumelana nokubheduka ngamandla kwalolubhubhane iFourth Wave.
powered by Advanced iFrame. Get the Pro version on CodeCanyon.
