I-DA Ithi Iyakuthokozela Ukuthola Ukuhlangana NeSilo
Written by Mduduzi Phungula on 6 December, 2023
By: Nompendulo Ngubane
Umholi we-Democratic Alliance KwaZulu-Natal uFrancois Rodgers uthi ukuhambela kwabo iSilo uMisuzulu kaZwelithini akuhlangene nokukhankasela ukhetho lukazwelonke nezifundazwe ngonyaka ka-2024.
URodgers usho kanje njengoba I-DA nobuholi bayo ihambele iNdlulamithi nalapho izohlangana nayo esishayamthetho esidala OLundi eNyakatho yesifundazwe.
I-DA ihambela iSilo nje emUva kokuthi iqembu le-EFF izolo lihambisana noMengameli walo uJulius Malema nalo lizifikele qathatha IZOLO nalapho liveze ukuthi lizozethula.
Umholi we-DA uthi ziningi izinto abazozidingida naso ISilo okubalwa izinkinga zobugebengu, isimo isifundazwe iKZN esikusona eqhuba ngokuthi nezindaba eziphathelene neNgonyama Trust nazo ngeke zisale ngaphandle ezingxoxweni abazoba nazo.
URodgers uthi njengeqembu kubahlaba umxhwele ukuthi lomhlangano usugcine wenzekile.
