I-MK Party Ithi Impilo KaZuma Isengcupheni

By: Xolani Khumalo

Umsunguli weqembu loMkhonto Wesizwe uJabulani Khumalo uthi bakholelwa ukuthi likhona itulo elizanywayo lokusoconga owayengu-mongameli wakuleli uJacob Zuma.

Lokhu kulandela isigameko sangempela sonto sengozi yemoto uZuma asinde kuyo nalapho imoto ebihamba ngayo ingenwe enye, ekuthiwa ibishayelwa umlisa obephuzile.

Kulesigameko kuboshwe owesilisa oneminyaka engu-51 ubudala nosevele namuhla eNkantolo yeMantshi eShowe.

I-MK ithi lengozi ibashiye bekhungathekile impela kangangokuba uZuma usekhethe ukubhaciswa lapho abazokwazi khona ukuvikela impilo yakhe

uKhumalo uthi akakungabazi ukuthi kunesandla semfene kulokhu.