Iphalamende Likhuza Isihlava Sezingozi Emgwaqweni

Written by on 29 December, 2023

By: Sthulile Mdletshe

I-Phalamende likazwelonke, selizwakalise ukukhathazeka okukhulu mayelana nezingozi ezimbi ezilokhu zenzeka emigwaqeni yaseNingizimu Afrika ngalesi sikhathi samaholidi kaKhisimusi.

Bangaphezu kuka-700 abantu asebeshonile ezingozini zomgwaqo kusukela kuqale amaholidi kaKhisimusi, kanti isfundazwe saseGauteng isona esihamba phambili.

Ngokwezibalo ezithulwe uNgqongqoshe wezokuThutha uSindisiwe Chikunga ukugcwala ngokweqile kwabagibeli, ukushayela budedengu nokushyela uphuzile kube nomthelela kulezi zingozi zakamuva.

Okhulumela iphalamende u-Moloto Mothapo uthi kubalulekile ukuthi abantu baziphathe ngendlela ephephile bahloniphe imithetho elawula ukushayela emigwaqeni ngaso sonke isikhathi.

powered by Advanced iFrame. Get the Pro version on CodeCanyon.


Gagasi FM

What You Want to Hear



Background