Isilo SamaZulu Sesinxuxse Ukubekezelelana
Written by Mduduzi Phungula on 27 February, 2024
By: Nompendulo Ngubane
ISilo sesizwe saMaZulu uMisuzulu kaZwelithini sesinxuse ukuthula nokubekezelelana KwaZulu-Natal njengoba kubhekwe okhethweni lukazwelonke nolwezifundazwe ngo-29 May.
INdlulamithi isho kanje ngenkathi yethula inkulumo yayo yokuvula ngokusemthethweni ukusebenza kwesiShayamthetho saKwaZulu Natal enkundleni yekhilikithi iOval, ePietermaritzburg maphakathi nesifundazwe.
Lenkulumo kaBayede izobe seyilandelwa ngekaNdunankulu, uNomsa Dube-Ncube, ebhekiswe esifundazweni kusasa.
ISilo sithi lona ngunyaka obalulekile nokumele isifundazwe sihlangane ngawo sisebenze ngokubambisana ukuze kube nokhetho olunokuthula nolungenazo izigameko zodlame.
