Kuxabene Ubendle ku-ANC

Written by on 11 January, 2024

By: Sthulile Mdletshe

Usihlalo we-African National Congress (ANC) kuzwelonke uGwede Mantashe, usegxeke uNobhala-Jikelele walenhlangano uFikile Mbalula, ngokuphumela obala ngesinyathelo senhlangano sokuqamba amanga ukuze kuvikeleke owayenguMengameli uJacob Zuma ngesikhathi kunezinsolo zenkohlakalo ezazithinta umuzi wakhe oseNkandla enyakatho yeKwaZulu-Natal.

Isenzo sikaMbalula sokuphumela obala ngaloludaba, sesigxekwe kakhulu, ngamanye amalungu eANC ethi singaba nomthelela ongemuhle njengoba kuyiwa okhethweni nje.

Amaqembu aphikisayo, okuhlanganisa i-DA kanye ne-IFP, athi afuna izimpendulo ebuholini be-ANC, ngoba uma lezinsolo ziyiqiniso, kusho ukuthi kwakhohliswa izwe futhi ishiya nombuzo othi i-ANC ikufanele yini ukuphatha.

UMantashe uthi uMbalula kwakungafanele akhulume ngale komyalelo weqembu.

 

 


Gagasi FM

What You Want to Hear



Background