By: Sthulile Mdletshe

Usihlalo we-IFP KwaZulu-Natal uThami Ntuli uthi bazoqhubeka nokulwela isithunzi samakhosi nawo azizwe ehloniphekile ngaphansi kwahulumeni wakulesisfundazwe.

UNtuli uthi kubalulekile ukuvuselelwa kosiko lokuhlonishwa kwamakhosi njengoba kuhamba indlela ende ekusondezeni uhulumeni emphakathini.

UNtuli ukhulume kanje kumbuthano we-IFP obuqhubeka eThekwini ngempelasonto   njengoba amaqembu ezepolitiki ematasa ekhankasela ukhetho lukazwelonke.

UNtuli nokunguyena leli qembu elifolosa ngaye esikhundleni sikaNdunankulu wakulesisfundazwe uthi amakhosi akwaZulu anomhlaba nje kungenxa yemisebenzi ye-IFP  kanti basazoqhubeka nokuzibeka oqhulwini izidingo zawo.