Owezemfundo Usenxuse Ukuthi Kwesekwe Abafundi Ababhalayo
Written by Mduduzi Phungula on 27 October, 2023
By: Nompendulo Ngubane
UNgqongqoshe wezeMfundo KwaZulu-Natal, uMbali Frazer, usenxuse abazali ukuthi babambe iqhaza elikhulu ukulekelela kanjalo nokweseka abantwana babo njengoba bezoqala izivivinyo zokuphela konyaka.
UNgqongqoshe usho kanje esithangamini sabezindaba mayelana nezinhlelo zomnyango zokulungiselela izivivinyo njengoba ethi sebekulungele ukubhalisa umatikuletsheni.
UFrazer usephinde wanxusa nemiphakathi ukuthi ingakuphazamisi ukuqhubeka kokuhlolwa kwabafundi ngokubamba imibhikisho yezidingo zomphakathi.
UNgqongqoshe uFrazer usho kanjena nje kulindeleke ukuthi ziqale ngoMsombuluko mhlaka 30 kulenyanga zize ziphele ngo December.
Uqhuba ngokuthi imibhikisho egcina iphazamisa abafundi ibuyisela emuva wonke umsebenzi osuwenziwe.
powered by Advanced iFrame. Get the Pro version on CodeCanyon.
