Sekuseduze Sisulwe Izinyembezi Isaguga Esina-104

By: Pamella Majola

UNgqongqoshe wezokuHlaliswa kwaBantu, uSipho KK Nkosi, usevakashele isaguga esineminyaka engu-104 ubudala esingaboni emehlweni esaba undaba mlonyeni ezinkhundleni zokuxhumana njengoba sihlala endlini engawa noma inini.

UGogo uDumazile Mkhungo wasendaweni yakwaDweshula ePort Shepstone eningizimu neKwaZulu-Natal sekuphele iminyaka ezama ukuthola indlu yomxhaso kahulumeni kodwa kunhlanga zimuka nomoya.

IGagasiFM lingenelile emva kokuthola ukuthi indlu yalesagugu yaqalwa ukwakhiwa phakathi nonyaka kodwa kwama izindonga kuphela.

Amalunga omndeni kagogo kade ezama ukuxhumana nabantu abahlukene ukuze indlu iphele kodwa belokhu bethenjiswa kodwa bengatshelwa into eqondile ukuthi indlu izophela nini.

UNkosi usethembise lomndeni ukuthi kuzophela isonto indlu kagogo iphelile.

Oyindodakazi kagogo uthi bajabule ngokwenziwe ilomnyango ukuqinisekisa ukuthi indlu kagogo iphela ngokushesha.