UCele Usejube Amaphoyisa Ukuqapha Ezokuphepha Olundi

By: Dawud Phungula & Menelisi Ndwandwe

UNgqongqoshe wamaphoyisa, uBheki Cele, uthi bagculisekile ngezokuphepha enkundleni yezemidlalo iPrince Mangosuthu Regional Stadium, Olundi enyakatho yeKwaZulu-Natal, lapho kuzobe kubanjelwe khona inkonzo yokuphelezela uMntwana wakwaPhindangene uMangosuthu Buthelezi.

UCele usho kanje ngenkathi ezohlola ezokuphepha kulendawo, njengoba zonke izinhlelo ezizolandelwa kusasa  zizohambisana nohlelo lomngcwabo wezikhulu zikahulumeni ngaphansi kwesigaba sokuqala.

Uthi amaphoyisa akukho okutheni ekuzomele akwenze, kodwa azobe etshalwe kuyona yonke imigwaqo engenela kulenkundla yezemidlalo  ukuze aqaphe ngeso elibukhali konke okwenzekayo.