UDube Ncube Uthi Ngeke Bawukhohlise Umphakathi
Written by Mduduzi Phungula on 25 April, 2024
By: Dawud Phungula
UNdunankulu waKwaZulu-Natal, uNomusa Dube-Ncube, uthi benguhulumeni ngeke bakhohlise abantu ngokuthi bazobafakela ama-transformer kagesi mahhala kodwa bazimisele ukusebenzisana nomphakathi bawulekelele.
Usho kanje ephendula imibuzo yamalungu omphakthi ngenkathi kuqhubeka Imbizo ebibanjelwe enkundleni yezemidlalo kaMeyiwa, eNtshanga, entshonalanga yeTheku.
Abahlali baku -Ward 4 bazwakalise ilaka labo ngezinye izindawo ezingenawo ugesi ngenxa yokusha kwama-transformer, kanti uDube-Ncube uthi umphakathi kumele kube khona imali oyihlanganisayo ukuze bakwazi ukuthi bawulekelele.
Uqhuba ngokuthi nokho uma seyishe kaningi ngeke bakwazi ukungenelela.
