Umnyango Wezempilo Uzitamuzele Ngosizo Lwagesi Oluqhamuka EChina

By: Sthulile Mdletshe

Usekela Ngqongqoshe wezeMpilo uSibongiseni Dhlomo uthi ama-generator anikelwe izwe laseChina esifundazweni saKwaZulu-Natal azolekelela kakhulu enkingeni kagesi.

UDhlomo usho kanje njengoba uNgqongqoshe kagesi uKgosientsho Ramokgopa ehambele indawo yaseHowick ngaphandle kwase Pietermaritzburg nalapho kwethulwe khona ngokusemthethweni ama generator.

UNgqongqoshe wezeMpilo uthi lama-generator azonikezwa izikole, nemitholampilo khona esifundazweni saseKZN ngenhloso yokulekelela kugesi.

Lokhu kwenzeka nje kuzokhumbuleka ukuthi izwe lakuleli liqhamuka esigabeni sika-6 sokuhamba kwezikhawu zikagesi.

UDhlomo uthi lokhu kuzolekelela kakhulu njengoba isifundazwe iKZN yona ithole ama-generator angu-44, kanti ezinye izifundazwe zithole 38 isifundazwe ngasinye.