Uthweswe Icala Owasoconga Isalukazi
Written by Mduduzi Phungula on 24 October, 2023
By: Zilungile Mkhize
Owesifazane womdabu waseNdiya osolwa ngokubulala uninakhulu wakhe eVerulam enyakatho yeTheku, usegcine elithwesiwe icala ngalesenzo.
Lona wesimame, uDeandra Naidoo oneminyaka engu 27 ubudala, ubhekene necala lokusoconga lesaguga ngo 2015, isidumbu saso esatholwa ngumzukulu ekhaya laso ngoDecember wawo lowonyaka.
Yize sekuphele iminyaka engu-8, kuphenywa lelicala, uNaidoo zigcine sezimkhalele, wabe esededelwa ngebheyili ka R5000 enkantolo kamantshi eVerulum namhlanje.
Ngokusho kwamaphoyisa, kwaba nokungaboni ngaso linye phakathi kukaNaidoo noninakhulu wakhe, okusolakala ukuthi wamsola ngokweba ubucwebe bakhe ngenhloso yokubudayisa ukuze athole imali nesoka lakhe, nalo elingumsolwa kulelicala.