Zimkhalele Owesifazane Osolwa Ngokukhwabanisa Izizumubulu

By: Xolani Khumalo

Kulindeleke ukuthi avele enkantolo kaMantshi namhlanje owesimame okhalelwe amasongo kaSgonyela oneminyaka engu-29 ubudala oqole ophunyelwe izimali esikhwameni sabalimele ezingozini zomgwaqo, iRoad Accident Fund.

Kubikwa ukuthi ngoNovember wangonyaka owedlule lona wesimame obesebenza njengonobhala enkampanini yabammeli eHillcrest, waqola umuntu imali yakhe engaphezu kuka-1,6 million wamarandi eyabe ifakwe kubammeli.

Kuthiwa lona owesimame wayelokhe emshonisa le nale umuntu owayefika njalo ukuzobheka ukuthi ngabe isingenile yini imali yakhe, elokhe ethi ayikongeni nhlobo yize abakwa-RAF bekuqinisekisa ukufakwa kwemali.

Okhulumela amaphoyisa kulesisfundazwe uRobert Netshiunda uthi kuvulwe icala lokukhwabanisa.