By: Dawud Phungula

Abahlali abahleli ngaphandle kwezimvume ebhilidini i-Seaman’s Institute, ePhoyinti enkabeni yeTheku bathi abazi bangenzanjani uma kungathiwa bayakhishwa kuleli bhilidi.

Basho kanje njengoba uNgqongqoshe wezokuHlaliswa Kwabantu KwaZulu-Natal, uSipho “KK” Nkosi, ebeyohlola leli bhilidini nabezindaba.

Labahlali bathi sebehlale iminyaka engaphezulu kweyishumi kulesakhiwo  yize sisesimweni esingesihle.

Lelibhilidi linezindonga eziwayo, amawindi afile, izindlu zangasese ezingekho esimeni .kanti ezinye izindlu zashiswa ngumlilo.

Abahlali bekhuluma nezindaba zeGagasi FM bathi isimo salelibhilidi sibi impela kodwa bafuna umnyango ubenzele ubulungiswa.

[advanced_iframe src=”https://streaming.fabrik.fm/fabrik/echocast/player/rewind-single/player.html?id=6d2fc469-1aa3-455c-8e71-36fc65de6156&web_url=https://echocast.fabrik.fm/wL49BD7DMYWNz6&podcast_id=2732022a-7f69-458c-af72-3d0c10a6b6c9″ width=”100%” height=”200″]

 

UNgqongqoshe Wezokuhlaliswa Kwabantu, uSipho ‘KK’ Nkosi, uthi basazohlala phansi bahlele ukuthi yini engenziwa ukuqinisekisa ukuthi abantu abahlala kulamabhilidi banendawo ephephile yokukhosela.

UNkosi uvakashele amabhilidi amathathu kahulumeni eThekwini  njengoba ngesikhathi engena ehhovisi ngoMeyi kulonyaka wenza isithembiso sokuthi uzolusukumela udaba lwamabhilidi okuhlalwa kuwona ngokungemvume.

[advanced_iframe src=”https://streaming.fabrik.fm/fabrik/echocast/player/rewind-single/player.html?id=6d2fc469-1aa3-455c-8e71-36fc65de6156&web_url=https://echocast.fabrik.fm/7P5r58qmPWxxK9&podcast_id=9c486bf8-aed3-4174-a4b0-b664a7792154″ width=”100%” height=”200″]