By: Buhle Mbhele

Amaphoyisa esifundazweni saKwaZulu-Natal athungatha umkhondo wemigulukudu esolwa ngokubandakanyeka ekugqekezweni kwenxanxathela yezitolo iPhoenix Plaza, enyakatho yeTheku.

Isikhulumi samaphoyisa URobert Netshiunda uthi lezigilamkhuba zigqekeze isitolo esidayisa ubucwebe kanye nezinye izinto zaphinde zashaya zachitha nesamba semali esingakadalulwa.

uNtshiunda uthi ngenkathi lezigebengu sezibaleka endaweni yesigameko  kudubuleke amaphoyisa kanye nomuntu obezidlulela.

Uqhuba ngokuthi uphenyo seluqalile kanti akukacaci yiziphi ezinye izitolo ezigqekeziwe.