By: Nhlanhla Mbokazi

Umndeni womfundi osola uthishanhloko wesikole afunda kuso ngokuzama ukumdlwengula uthi namanje usakhungathekile ngesenzo salomholi.

Lo mndeni usho kanje ngesikhathi uyingxenye yombhikisho obubanjwe ngaphandle kwamahhovisi oMnyango wezeMfundo kwi-sekhethi i-Vulindlela, eTaylor’s Halt, ePietermaritzburg.

Inhlangano yabahlali i-SANCO ihambisana nomphakathi waseMpendle nayo ibambe lemashi ngenhloso yokweseka lo mndeni.

Ekhuluma nezindaba ze-Gagasi FM, umalume walomfundi, uthi umntwana wabo uphazamisekile.

 

[advanced_iframe src=”https://streaming.fabrik.fm/fabrik/echocast/player/rewind-single/player.html?id=6d2fc469-1aa3-455c-8e71-36fc65de6156&web_url=https://echocast.fabrik.fm/Nwwp62JzZXRqyv&podcast_id=28c03b21-967e-45a4-bfd9-6cc335ee7502″ width=”100%” height=”200″]

Khonamanjalo, umqondisi wezemfundo esifundeni uMgungundlovu, uSiqhamu Mabinza, uthi baphezu kwezinhlelo zokuthi lo mfundi athole ukwelulekwa ngokwengqondo.