I-SANTACO Iphika Izinsolo Zokuchema Ne-ANC

By: Sthulile Mdletshe

Usihlalo we-Santaco  KwaZulu-Natal uBoy Zondi usekuchithile ukuthi lemboni yamatekisi icheme nohulumeni we-African National Congress (ANC) kuzo zonke izinqumo ezithathayo

UZondi usho kanje ephendula imbuzo yamalunga omphakathi ekhuluma ne-Gagasi FM

Lokhu kulandela imashi eyayihlelwe i-Economic Freedom Fighters eyayihlose ukulwisana nokuntuleka kwemisebenzi ukunyuka kwezinga lokuphila kanye nokunye.

Ngosuku lwalemashi kwama nse ukusebenza ezifundeni ezahlukene kulelizwe namaqembu aphikisayo angenelela esekela umbono we-EFF kodwa i-Santaco yashaya phansi ngonyawo yathi izithuthi zizosebenza njengenjwayelo.

UZondi uthi imbangela yalesi sinqumo ukuthi vele le mboni ishayeke kakhulu ngezikhathi zokuvalwa kwezwe ngenxa ye-covid 19 yaphinda yashayeka ngezikhukhula nezibhelu ngakho angeke bakwazi ukumisa ukusebenza.