Isilo Sibuhlungu NgoShenge
Written by Mduduzi Phungula on 10 September, 2023
By: Sphelele Nzuza
ISilo uMisuzulu kaZwelithini, sithi sikhala siyazithulisa ngokuguqa kukaNdunankulu waso uMntwana wakwaPhindangene Inkosi uMangosuthu Buthelezi.
UButhelezi ukhothamele ekhaya lakhe eMahlabathini oLundi izolo ekuseni, eseneminyaka engu-95 ubudala.
Indlulamithi isho kanje ngemuva kokumemezela ukuvala umkhosi womhlanga, lapho imemezele nokuthi izinhlelo zalomkhosi ebezihlelelwe usuku lwanamuhla ngeke zisaqhubeka, ukuze kuzilwe kuphinde kuhlonishwe ukukhothama kukaShenge.
Isilo sithi kuningi kakhulu abebehlele ukukwenza nomtwana wakwaPhindangene.
