Kuzobhekana omkhaya base-KZN kowe-Carling Knockout Cup.

By: Simtho Dladla

AmaZulu FC azokwamukela iGolden Arrows emdlalweni womkhaya emqhudelaneni we-Carling Knockout Cup 2023.

Lemidlali iqinisekiswe iPSL emva kwe-draw eyenziwe emva komdlalo weSupersport United ekhishwe iPolokwane City kulomqhudelano ivulela isibhaxu sika.4-1. Akekho ongakhohlwa imidlalo yokuqala kulandela ukukhishwa kwezinkunzi zaseSoweto iKaizer Chiefs eshaywe AmaZulu ngegoli elilodwa eqandeni eFNB Stadium. Komunye umdlalo ompetha be-DSTV Premiership bakhishwe i-TS Galaxy sekukhahlelwa amapenalty njengoba umdlalo uphele Amasandawane esedlala ngabadlali abayishumi emva kokuphuma kuka-Bongani Zuma ngekhadi elibomvu.

I-Polokwane City izogadulisana ne-Stellenbosch FC komunye umdlalo ngesikhathi Sekhukhune United yamukela i-TS Galaxy ekhaya ukuze bakwazi ukuzibekela indawo kuma-semi-final alomqhudelwano onesizumbulu sika R6.5 Million. Amehlo azobe ethe njo kumdlalo ophakathi kwe-Richards Bay kanye ne-Orlando Pirates engaconsi phansi kulezizinsuku.

Amabhakaniya asekwazile ukunqoba isicoco sokuqala ilesizini okuyi-MTN 8 eThekwini kanti bangazibeka ethubeni lokuphinda bathole eyesibili kulomqhudelwani kanti ama-Rich Boys asathungatha indebe yawo yokuqala kusukela bathola indawo ku-DSTV Premiership. I-PSL isazomemezela izinsuku kanye nezinkundla zalemidlalo ezinsukwini ezizayo.

Polokwane City vs Stellenbosch FC

Sekhukhune United vs TS Galaxy

Richards Bay FC vs Orlando Pirates

AmaZulu FC vs Golden Arrows

image:Bafana Mahlangu/ Sunday World