Umkhandlu Uphezu Kwezinhlelo Zokuqinisa Ezokuphepha eThekwini

By: Zilungile Mkhize

UMasipala weTheku usuzibophezele ekuqhubekeni nohlelo lwawo lokulungisa amakhamera agada ngaphandle, ama-CCTV, okumanje angasebenzi ngenxa yezinkinga ezahlukene.

Umkhandlu uthi ukulungiswa kwalama-CCTV khamera kuzoqinisekisa ukuphepha kwezakhamuzi kanye nezivakashi.

Uhlelo lokulungiswa kwalamakhamera, kulandela ukukhala kwezakhamuzi mayelana nokwanda kwezigameko zobugebengu, ikakhulu uma ugesi ungekho ngenxa ye-loadshedding.

Okhulumela uMasipala, uGugu Sisilana, uthi iningi lamakhamera libe nenkinga ngemuva kokuphazamiseka kwamakhebula ngenxa yezikhukhula ezahlasela KwaZulu Natal.

powered by Advanced iFrame. Get the Pro version on CodeCanyon.