Sezibakhalele Abasolwa Ngokuzama Ukusoconga Iphoyisa

By: Bright Ntuli

Abalisa ababili sebeboshiwe ngezinsolo zokuzama ukubulala iphoyisa eNewlands ngaphandle kwedolobha iTheku.

Amaphoyisa athi lozakwabo ubehamba ngemoto yomsebenzi ngenkathi abalisa abebehamba ngenye imoto encane bezama ukumumisa, sebekhiphe nezibhamu.

Aqhuba ngokuthi leliphoyisa libe selihlehlisa imoto masishane, lizama ukubaleka, labalisa balilandela bedubula bebhekise ngakulona.

Oyisikhulumi samaphoyisa uRobert Netshiunda uthi uzakwabo lo, ube naye esephindisela ngenhlamvu, abasolwa badla phansi.