UNgqongqoshe Wezempilo, u-Aaron Motsoaledi, usamukele isinqumo seNkantolo ePhakeme yaseGoli sokunikeza uphiko lwe-Asset Forfeiture Unit ngaphansi kweNational Prosecuting Authority umyalelo wokuthi kushaqwe unomphela impahla ebiza u-R326 million.
Le mpahla ixhunyaniswa nosomabhizinisi osolwa ngenkohlakalo, uHangwani Morgan Maumela.
Lokhu kuhlobene nezinsolo zenkohlakalo yamathenda aseSibhedlela iTembisa eGauteng, kanye nokubulawa kowayedalule inkohlakalo, uBabita Deokaran, ngo-2021.
Okhulumela uMnyango Wezempilo, uFoster Mohale, uthi lokhu kuseyisiqalo nje senqubo yokudliwa kwazo zonke izimpahla zabantu abathinteka ekuphangenweni kwemali eSibhedlela iTembisa.
