U-Sipho Chaine akaziboni esezingeni likaSenzo Meyiwa.

Written by Ayanda Nyuswa on 10 October, 2023

By: Simtho Dladla

Unozinti we-Orlando Pirates, uSipho Chaine, uthi akukaze kufike kuyena ukuthi uzofika ezingeni lalowo owayengunozinti waleliqembu uSenzo Meyiwa.

u-Chaine ube iqhawe lamaBhakaniya ngesikhathi evikela indebe ye-MTN 8 bebheken eneMamelodi Sundowns eMoses Mabhida Stadium eThekwini. Lonozinto oqokwe njengomdlali ovelele kulomdlalo kulandela ukuvimba amaphenathi ka- Bongani Zungu, Junior Mendieta kanye no-Teboho Mokoena ukuze banqobe ngamagoli amathathu kwelilodwa.

Kwagcina ngonyaka ka-2013 ukuthi kube khona unozithi okwazi ukuvimba amaphenathi amabili kuleliqembu lase-Orlando, kwakungu Senzo Meyiwa khathi bedlala ne-TP Mazembe emqhudelwane we-Caf Champions League eLubambashi nabaningi sebebona ngathi uChaine uzofika ezingeni lika-Nzori.

Lonozinti ufike kuleliqembu ngonyaka owedlule ngoSeptember engunozinti wesithathu kanti uqinisekisile ukuthi uyayithatha indawo yakhe eMayfair kulandela ukulimala kuka Richard Ofori kuleliqembu nokusenzima ukuthi abuyele kulendawo. Uphetha ngokuthi osekubalulekile kuyena manje ukuqinisekisa ukuthi usiza leliqembu kanti akaziboni yena esezingeni likaNzori kodwa ufisa naye ukuzakhela igama kuleliqembu kwazile walandelwa wona lomsebenzi.

image: Gerhard Duraan/BackpagePix