UDuma Usegxeke Ababukela Phansi Umsebenzi Osuwenziwe I-ANC

By: Sthulile Mdletshe

USihlalo we-African National Congress (ANC) KwaZulu-Natal uthi kuningi osekwenziwe iqembu likakhongolose kuleminyaka engu-30 iphethe kanti futhi kusakuningi ezokwenza ukuthuthukisa imiphakathi.

UDuma usho kanje njengoba leli qembu liphume imikhankaso yokwandulela usuku olukhulu lomcimbi wokwethula uhlu lwezithembiso kusasa enkundleni yezimidlalo eMoses Mabhida e-Thekwini.

Amaqembu ezepolitiki abonakala esina ededelana ukugcwalisa iMoses Mabhida ngaphambi kokhetho lukazweloke oluzoba ngomhlaka 29 ku-May.

UDuma ekhuluma eMlazi eningizimu neTheku uthi njengoba kubhekwe okhethweni i-ANC izishaya isifuba ngemisebenzi emihle esiyenzile ethinta inhlalakahle yomphakathi abawusebenzelayo.

powered by Advanced iFrame. Get the Pro version on CodeCanyon.