Umnyango Wezemfundo Ukhalisana Nemindeni Yezingane Ezishone Engozini
Written by Mduduzi Phungula on 3 October, 2023
By: Buhle Mbhele
Umnyango wezeMfundo KwaZulu-Natal usudlulise amazwi enduduzo emndenini wezingane ezingu-4 ezishone engozini yemoto eGroenvlei enyakatho yesifundazwe.
Lengozi kubikwa ukuthi yenzeke ezintathakusa ngesonto ngesikhathi lezingane zibuyela emakhaya emva komshado obungempelasonto.
Kanti ezinye ezingu-11 kubikwa ukuthi zilimale kanzima zaphuthunyiswa ezibhedlela.
Imibiko iveza ukuthi lezingane beyizingxenye yeqembu lendlamu ebeliyogida emshadweni.
Oyisikhulumi soMnyango, uMuzi Mahlambi, uthi uNgqongqoshe waloMnyango, uMbali Frazer, usezwakalise okukhulu ukudumala ngokudlula emhlabeni kwalabantwana.
powered by Advanced iFrame. Get the Pro version on CodeCanyon.
