Uvuke Umbhejazane Umphakathi Osuhlale Iminyaka Engu-14 Kolindela
Written by Mfundo on 20 November, 2023
By: Sithabile Majola
Umphakathi waseCleremont kanye makwaDabeka ubambe imashi ukuyokwethula izidingo zabo zemizi eMnyangweni wezokuHlalisana kwaBantu ePinetown, entshonalanga yeTheku.
Lemashi ilandela emuva kokuthi uMasipala wawuwethembise lo mphakathi ukuthi uzohlala ezindlini ezingolindela izinyanga ezingu-6 nje kuphela kodwa manje sekuphele iminyaka engu-14 bengasuswa.
Lomphakathi ukhala ngokuthi imindeni eminingi ehlala kulabo lindela ihlala nabantu abaphila nokukhubazeka kanti kunzima ukuhlala nabo ngaphansi kwalesisimo.
Bekhuluma nezindaba zeGagasi FM, umphakathi uthi awulibhadi okhethweni bengalungiseliwe izinkinga zolindela.
