Uzofihlwa ngoLwesine Umgadli waMaZulu FC Bongi Ntuli
Written by Ayanda Nyuswa on 8 November, 2023
By Samkelo “Sports Mjita” Gambushe
AmaZulu FC akhiphe imininingwane yomngcwabo womgadli wawo ongasekho, uBonginkosi Ntuli, obulawe wumdlavuza ngesonto eledlule eneminyaka engu-32 ubudala. Ukudlula emhlabeni kukaNtuli kwethuse abaningi ebholeni, njengoba lo mgadli kuthiwa ugule isikhashana ngemuva kokutholakala nesifo somdlavuza ngoSepthemba. “Inkonzo yomngcwabo kaNtuli izoba se-African Congregational Church eClifffdale ngoLwesine, ziyisi-9 kuLwezi kusukela ngo-10 ekuseni,” kubhala leli qembu ku-akhawunti yalo yakwa-X.
