Owesilisa Nendodana Yakhe Sebesinde Ngokulambisa Bedutshulwa
Written by Mduduzi Phungula on 17 January, 2024
By: Zilungile Mkhize
Amaphoyisa KwaZulu-Natal athi aseqale uphenyo mayelana nesigameko sokudutshulwa kulinyazwe owesilisa nendodana yakhe eChatsworth, eningizimu esentshonalanga neTheku.
Ngokusho kwamaphoyisa laba bahlaselwe ngabantu abangaziwa nabebezobaduna imoto.
Amaphoyisa athi umlisa lo, kanye nendodana yakhe bavinjwe emgwaqeni uFlorence Nightingale Drive, ngamadoda athize abehamba ngenye imoto, avele avulela ngenhlamvu.
Okhulumela amaphoyisa uRobert Netshiunda, uthi bathe bangathola imoto, bashaya bachitha.
Usekuqinisekisile ukuthi kuphenywa icala lokuzama ukubulala kanye nelokudunwa kwemoto, kanti njengamanje bekungakaboshwa muntu.
