UMasemola uyayiphika eyokwenzelela kwamaphoyisa ngeSona

By: Bright Ntuli

Ukhomishana wamaphoyisa kuzwelonke uFannie Masemola useyichithile imibiko yokuthi amaphoyisa awenzi lutho ukuqinisekisa ezokuphepha emiphakathini yakuleli.

uMasemola usho kanje kulandela izikhalo ngezinkulungwane zamaphoyisa ajutshwe ukuqinisa ezokuphepha eCity Hall eKapa lapho umengameli uCyril Ramaphosa ezokwethula khona inkulumo yakhe ebhekiswe esizweni.

Ekhuluma nezindaba ze-Gagasi FM khona eKapa uMasemola uthi nakuba liphezulu izinga lobugebengu emiphakathini kodwa benza konke okusemandleni ukulwisana nabo.