Umphakathi Ushaqekile Kugwiliza Ingane Emfuleni

By: Sthabile Majola

Usihlalo wenhlangano yabahlali i-South African National Civics Organisation (SANCO), uMusa Mkhize, uthi umphakathi wakwa Ximba entshonalanga yeTheku usashaqekile kulandela ukushona kwengane egwilize emfuleni.

Ukhuluma kanje emuva kokushona komfanyana oneminyaka engu-14 ubudala ominze emfuleni uMsunduzi ngenkathi ethunywe ukuyokha amanzi ngoLwesihlanu.

Umphakathi wakuleyandawo sekuphele iminyaka emibili ungenawo amanzi aphuma kompompi nosekuholele ekutheni uwakhe emfuleni, lapho uwabanga khona nemfuyo.

Ekhuluma nezindaba zeGagasi fm, uMkhize uthi sebeneskhathi bekhala ngodaba lwamanzi kungekho obanakile njengomphakathi.

powered by Advanced iFrame. Get the Pro version on CodeCanyon.