By: Sthulile Mdletshe
Abafundi bezikole ezahlukene eThekwini bathi ibasize kakhulu ingqungquthela eqhubeka kulelidolobha mayelana nomkhakha wezindiza, njengoba bethi kuningi abakufundile ngamathuba atholakala kulomkhakha.
I-South African Civil Aviation Authority 2025 National Aviation Summit, iqale ngoLwesibili kanti izophothulwa kusasa.
Lengqungqthela ihlanganisa iminyango nezikhungo zikahulumeni ezahlukene, izinkampani zezindiza, abaholi bezimboni, kanye nochwepheshe abasha ukuzodingida ngekusasa lomkhakha wezindiza kulelizwe.
Inhloso yalengqunquthela ukucobelelana ngolwazi lwezikhungo ezahlukene, kuhlinzekwe abafundi ngolwazi lwemifundaze engabalekelela ukuqhuba izifundo zabo, kanye namathuba emisebenzi kulemboni.
Omunye walabafundi ekhuluma neZINDABA zeGagasi FM uthi bathole ulwazi olusha njengokuthi miningi imikhakha ngaphansi kwe-aviation; hhayi ukuba umshayeli wamabhanoyi nje kuphela ongakwenza ukukwenza kuwona lomkhakha.
