Amaphoyisa awalitholanga ibhomu enkantolo kaMantshi.
Written by Mfundo on 23 July, 2024
By: Pamella Majola
Amaphoyisa esifundazweni saKwaZulu-Natal aseqinisekisile ukuthi ibhilidi lenkantolo kaMantshi yaseThekwini liphephile, futhi abukho ubungozi obukhona.
Lokhu kuza emva kokuthi kusabalale umbiko wokuthi kunomuntu ongaziwa oshayele lenkantolo ucingo wayazisa ukuthi kunebhomu elitshalwe khona elingaqhuma noma yinini.
Lokhu kuholele ekutheni kukhishwe isigubhukane bonke abantu kulenkantolo, kubhekwa lelibhomu okugcine sekuphazamisa amacala abeqhubeka, kuwo ekubalwa nelikaZandile Gumede owayeyimeya yeTheku.
Amaphoyisa ehambisana nophiko lwezinja i-K9 Unit kanye nolubheka iziqhumane iBomb Squard, balibhekise phansi phezulu lelibhilidi bethungatha lelibhomu.
Okhulumela amaphoyisa e KZN, uRobert Netshiunda uthi abatholanga lutho.
