By: Bright Ntuli
Umnyango wezamandla usuzwakalise ukuthi intengo ka-petrol, u-diesel kanye no-paraffin izokwenyuka phakathi kwamabili namhlanje.
Zombili izinhlobo zika-petrol zizokwenyuka ngo-37 cent ilitha, u diesel uzonyuka ngo-71 kuya ku 72 cent ilitha.
Kanti uparaffin nawo uzokwenyuka ngo 71 cent ilitha. UMnyango uthi lokwenyuka kwentengo yezamandla kudalwe ukumba eqolo kuka oyela.
Ukufaka amalitha angu-32 ka-petrol kwimoto encane kuzokubiza u-R11.84 ngaphezulu, kanti engu-42 litre yokufaka u-petrol ye-SUV encane izobiza u-R15.54 ngaphezulu.
Amalitha angu-50 emotweni ephakathi njengeToyota Corolla azobiza u-R18.50 futhi ukufaka uphethiloli kwi-SUV enkulu kuzoba wushintsho olukhulu kulabo abanamaveni asebenza ngodizili kanye nama-SUV ahlobene.
Ukufaka amalitha angu-70 kadizili ongu-50ppm ethangini elingu-80 litre kuzokubuyisela emuva u-R49.70. Uphethiloli ongu-45 litre kwiSUV encane esebenzisa udizili izobiza u-R32 ngaphezulu.
