I-ANC Women’s League eKZN Ikhethe Ubuholi Obusha Besifundazwe

By: Xolani Khumalo

Sekuphelile ukuqagula ngokuthi ubani ozohola uphiko lwabesifaze be-ANC KwaZulu-Natal njengoba sebukhethiwe ubuholi obusha baloluphiko.

i-African National Congress  Women’s League (ANCWL) ebebibambe ingqungquthela yayo eqale ngempelasonto eThekwini, seyiqoke uNonhlanhla Khoza njengosihlalo wayo eKZN, nonguNgqongqoshe womnyango wokuthuthukiswa komphakathi kulesifundazwe.

Lesikhundla ubesibanga ngo-Bongi Sithole Moloi onguNgqongqoshe womnyango wokubusa ngokubambisana eKZN.

Oqokwe njengosekele Sihlalo kube uMbali Frazer, unobhala kwaba uZama Sokhabase, usekela nobhala kwaba uFikile Masiko kwathi umgcinimafa kwaba uMatozi Dlamini.