Pamella Majola
Inkosi yesizwe samaHlubi enyakatho ye KZN uBryce Mthimkhulu kaLangalibalele wesithathu isinxuse ubumbano phakathi kwalesizwe.
Inkosi uMthimkhulu ithi ayiphathekile kahle ngengxabano nokwehlukana okukhona phakathi kwalesi sizwe osekwenze kwavela izizwana eziqembukelana ngaphansi kwesibongo esisodwa.
Usho kanje ekhuluma ngenkathi amaHlubi egubha uSuku Lwamagugu esigodlweni saseMdlangeni, eShowe enyakatho yeKZN.
Kulomcimbi kuphinde kwakhunjulwa Inkosi uLangalibalele kaMthimkhulu owayeyiNkosi yamaHlubi.
Lenkosi yaba ngomunye wabaholi bokuqala bomdabu baseNingizimu Afrika abadingiselwa ejele lase Robben Island ngonyaka ka1874 emva kokuvukela umbuso wamaNgisi.
Inkosi uMthimkhulu uthe,”Ngikhuluma nginenjabula la sikhumbula iqhawe lethu uLangalibalele kaMthimkhulu. So this commemoration is going to continue now every year ukuthi sikhumbule amaqhawe asihola, asi-liberate, e liberate abantu bamahlubi kudala.”
Uvale ngikuthi,”Siyazigqaja ngokuthi thina singamaHlubi and amahlubi ethu njengoba sikhuluma nje agcwele yonke indawo.”
Cofa ngezansi ukuzwa inkulumo
