Pamella Majola
Amalungu omphakathi waseBhekuzulu eVryheid enyakatho yeKZN athi akuwaphathi kahle ukubona izidingo zawo zishawa indiva.
Lomphakathi sekukaningi ukhala ngokulungiselwa ibhuloho lomgwaqo, nothi kwenza kube nzima ukuthi uhamba amabanga amade, ngenxa yokungabi khona kwenye indlela ongayisebenzisa.
Ngonyaka odlule kwaqokwa usonkontileka owayezokwakha lelibhuloho, nowashiya phansi umsebenzi, engawuqedile.
Lokhu kwaholela ekuthini kuyiswane ezinkantolo ngalo loludaba, nolwagcina ngokuthi kuqokwe usonkontileka omusha ozoqedela umsebenzi.
Omunye wamalungu omphakathi okhethe ukungazidaluli igama lakhe uphawulile ngalolu daba.
“Sidumele kakhulu ngokuthi i bridge lifike laqalwa lajike lapho langabe lisaqhutshekwa, ekutheni sase sithembile ukuthi sesizoba nalo i brigde.”
Uqhube wathi, “Ukudumala kwethu kusekutheni, sekusithathe isikhathi eside sihleli kanje esikhundleni sokuthi i brigde sekumele ngabe seliqediwe.”
I-Gagasi FM News ikwazile ukuthola umeya walomasipala uSifiso Mkhwanazi ochaze kanje, “I-brigde bese liqalile ukwakhiwa kodwa lingakapheli ngenxa yokuthi kube nokungaziphathi kahle kuka contractor okudale ukuthi si-terminate.”
UMeya uphinde waqinisekisa ukuthi imali yokwakha leli bhuloho ibingakapheli njengoba lo sonkontileka obeqashiwe ubenikwe imali eyanele lomsebenzi osuwenziwe.
“Imali yaleli bridge ibingakasetshenziswa yonke. U contructor lo osenze umsenezi ubesebenzise engangalo msebenzi awenzile. Ngakho ke ebengakabibikho ama finacial implications athi kunemali esoyi-add.”
Lalela ngezansi amazwi amalunga omphakathi kanye noMeya uMkhwanazi.
