By: Zilungile Mkhize

Isikhungo esicwaninga siphinde sibhekelele imigomo elawula imboni kagwayi, i-Africa Centre For Tobacco Industry Monitoring And Policy sithi sizosebenzisa inyanga yentsha uJune, ukuqinisa imikhankaso yayo ngobungozi bokubhema ugwayi.

Lesikhungo sithi njengoba emhlabeni jikelele kunetsha elinganiselwa ku-37-million esebenzisa ugwayi, kubalulekile ukuthi ziqine nezindlela zokuyisiza ibone ubungozi kuwo.

Usolwazi walesiskhungo, uLekan Ayo-Yusuf, uthi enye into esiphenduke inkinga, empilweni yabantu kulelizwe ikakhulu intsha, ukusetshenziswa kwama hubbly-bubbly, ngisho nasezikoleni imbala.

U-Ayo Yusuf usenxuse uhulumeni ukuthi asayinde njengomthetho, umthetho sivivinyo ozoqinisekisa ukuthi ama hubbly-bubbly awasetshenziswa ezindaweni zomphakathi, nathi kuzosiza intsha ingagcini isihlezi ilangazelele ugwayi.

 

[advanced_iframe src=”https://streaming.fabrik.fm/fabrik/echocast/player/rewind-single/player.html?id=6d2fc469-1aa3-455c-8e71-36fc65de6156&ampweb_url=https://echocast.fabrik.fm/7vL2V8zxw19z5R&amppodcast_id=7f550b18-bee9-4e5a-830e-340cba67d2f2″ width=”100%” height=”200″]